ЭКОНОМИКА

საქართველოში მიმდინარე ცვლილებები, ნატოს მნიშვნელობა და რუსეთი - ეს იყო სააკაშვილის გამოსვლის მთავარი სასაუბრო თემები აშშ-ში. აშშ-ში მყოფი საქართველოს პრეზიდენტი ახალგაზრდა ატლანტიკოსთა სამიტზე სიტყვით გამოვიდა. ახალგაზრდა ატლანტიკოსთა სამიტი ნატოს სამიტის შეხვედრების პარალელურად იმართება. გამოსვლის შემდეგ მან დამსწრე საზოგადოების კითხვებს უპასუხა.

კითხვაზე, როგორია პრეზიდენტის გეგმა აფხაზეთის ტერიტორიიდან რუსეთის განდევნასთან დაკავშირებით, მიხეილ სააკაშვილმა უპასუხა:

„აფხაზეთი საბჭოთა კავშირის რივიერა იყო. იქ ალბათ 80 ათასი კაცი ცხოვრობს ახლა, დაანრჩენები განდევნეს, ვფიქრობ, ამ ყველაფრის შესაცვლელად საუკეთესო გზა ცვლილებაა თავად რუსეთში. მარტივი და ამავე დროს რთული პასუხია, მაგრამ გარდაუვალი. როდესაც ეს ცვლილებები მოხდება, ისინი ავტომატურად დატოვებენ ოკუპირებულ ტერიტორიებს. დღეს თავად რუსი ნაციონალებიც აცხდებენ, რომ ნორმალური ქვეყნის შექმნა სურთ და იმპერიალისტური ზრახვებისგან უნდა გათავისუფლდნენ,"- განაცხადა სააკაშვილმა.

საქართველოს პრეზიდენტმა ასევე ნატოს მნიშვნელობაზე ისაუბრა და თქვა, რომ ნატო, როგორც არასდროს, ისეთი შრომისუნარიანია და დიდი მნიშვნელობა აქვს არა მარტო საქართველოთვის, არამედ დიდი ქვეყნებისთვისაც, ვინც ალიანსის ბირთვს წარმოადგენს.

"მე მოვედი აქ, გესაუბროთ იმ ტრანსლატიკური გაერთიანების როლზე, იმ რადიკალური ცვლილებების ფონზე, რომელიც ჩვენს ქვეყანაში ხდება.

"სამართლის კანადურმა ცენტრმა თავის კვლევაში აღნიშნა, რომ ქართული ბიუროკრატია ერთ-ერთი ყველაზე გამჭვირვალე და ეფექტურია ახალი ზელანდიის შემდეგ. ჩვენ გვაქვს მსოფლიოში უსწრაფესი რეგისტრაცია. ცენტრალურ და აღმოსავლეთ ევროპაში, ასევე ყოფილი საბჭოთა კავშირის ქვეყნებში, ყველაზე იოლია ბიზნესის კეთება. ხოლო იბიარდის ბოლო კვლევების შედეგად, საქართველო არის ერთ-ერთი ყველაზე ნაკლებად კორუმპირებული ქვეყანა ევროპაში.

ჩვენ გვაქვს მსფოლიოში უსწრაფესი საგადასახადო პროცედურა, რადგან თითქმის ყველა გადასახადი ელექტრონულად ირიცხება.

უმცირესობების ინტეგრაციის კუთხითაც მივაღწიეთ უდიდეს შედეგს.

ყველაზე მნიშვნელოვანი მიღწევა, ჩემი აზრით, მაინც მენტალური რევოლუციაა, რომელიც საქართველოში მოხდა. მოქალაქეები უკვე სხვანაირად უყურებენ თავიანთ ქვეყანას.

თუ შეადარებთ ქართული ტელევიზიის კადრებს 10 წლის წინანდელ მასალებს, ნახავთ, რომ ფერებიც კი სხვანაირია. როგორ მოძრაობს და ურთიერთობს ხალხი, შენობებიც სხვანაირია. გამჭვირვალეა პოლიციის შენობები, ადმინისტრაციული შენობები, პრეზიდენტის სასახლე, ეს ყველაფერი გარკვეული სიმბოლოა.

საქართველო პატარა ქვეყანაა, რომელსაც სტრატეგიული მდებარეობა აქვს და ენერგოტრანზიტის კუთხით მნიშვნელოვან როლს თამაშობს. შეხედეთ რუკას, თუ საქართველო და ქართული დემოკრატია წაიქცევა. საქართველოს აქვს საკუთარი ლოჯისტიკური ბაზა, საუკეთესო ავტომაგისტრალი მთელ რეგიონში,"-განაცხადა

Прочитано : 1